Telashe në sulm për trajnerin Panucci me Armando Sadikun që ka pësuar një dëmtim të rëndë në ndeshjen miqësore me Herenvenin dhe rrezikon një periudhë të gjatë riaftësimi. Klubi i Levantes bëri të ditur se sulmuesi kombëtares shqiptare ka pësuar një dëmtim të gjurin e majtë por shkalla e tij do të përcaktohet ekzaktësisht pas ekzaminimeve të detajuara që do të mbahen në kthimin e ekipit në Valencia.
Sadiku u aktivizua për ekipin spanjoll në pjesën e dytë por në minutën e 70-të u detyrua të braktisë fushën e lojës për shkak të një problemi fizik.
Klubi njoftoi se konfirmon dëmtimin në gju për futbollistin por nuk mund të përcaktojë ende se sa do të jetë periudha e riaftësimit për lojtarin e kombëtares shqiptare.
Sulmuesi, që po kalon një moment jo shumë pozitiv pavarësisht mungesës së grumbullimit nga ana e Panuccit në ndeshjet e fundit miqësore, pritej të ishte në listën e trajnerit italian për sfidën me Izraelin në 7 shtator, por dëmtimi i pësuar krijon tashmë probleme për kombëtaren shqiptare, me Panucin që ka jo pak telashe me një pjesë të futbollistëve që janë pa skuadër, e një pjesë tjetër që janë të dëmtuar duke sjellë jo pak dhimbje koke në zgjedhje për trajnerin italian. (Panorama)
