Mbrëmja e së shtunës është e gjitha për futbollin spanjoll, ku stadiumi Santiago Bernabeu pritet të mbushet përplot pasi do të luhet ajo që cilësohet përballja e titanëve, Real Madrid – Barcelona, që do të tërheqë vëmendjen e mbarë botës.
Në stadium për të parë këtë supersfidë do të jetë edhe një tifoz i veçantë, presidenti i Paris Saint Germain, Nasser Al Khelaifi.
Ky i fundit është parë në kryeqytetin spanjoll, me synimin me synimin për ta bindur Cristiano Ronaldon të transferohet në Paris verën e ardhshme.
Sipas të përditshmes katalanase MundoDeportivo, Al Khelaifi u ftua nga presidenti Florentino Perez për të ndjekur këtë përballje, por nuk përjashtohet mundësia që ai të diskutojë me të edhe në lidhje me të ardhmen e sulmuesit portugez, i cili nuk po përjeton periudhën më të mirë te Real Madrid, ku nuk ka raporte të mira me trajnerin e skuadrës, Rafael Benitez.
