Rasti i konstatuar nga Autoriteti Kombëtar i Ushqimit dhe pastaj mbështetur dhe nga Prokuroria e Rrethit Gjyqësor Shkodër, në qytetin e Shkodrës, ku është konstatuar një aktivitet në kundërshtim me ligjin, prodhim i paligjshëm, falsifikim i prodhimeve ushqimore, ka bere qe Ministri i Bujqesiose Niko Peleshi te dal ne nje konference shtypi dhe te komentoje se kjo “është një shkelje e rëndë flagrante dhe natyrisht dhe të natyrës penale”.
“Nuk është as rasti i parë, as rasti i fundit. Po pse po dal në këtë komunikim publik, është sepse dua të ritheksoj rëndësinë që për ne ka marrë dhe është duke marrë dita – ditës bashkëqeverisja me qytetarët, sepse e gjitha kjo ndodhi pas një denoncimi të thjeshtë qytetar. I thjeshtë por që u kthye në një rast, i cili çoi atje ku duhet prodhuesit e paligjshëm. Janë arrestuar 3 persona pjesë e kësaj veprimtarie të paligjshme, por edhe 2 inspektorë. Arsyeja e dytë sepse po dal në këtë komunikim publik është për të bërë të njohur sesi po e jetësojmë premtimin tonë të para 6 muajve sesi të japim fund historisë, tashmë dhjetëra vjeçare të konstatimit të rasteve të paligjshmërisë dhe pastaj të asnjë konstatimi të shkaktarëve, të inspektorëve, punonjësve të shtetit, zyrtarëve, të cilët e kanë lejuar, bekuar këtë paligjshmëri”, deklaroi Peleshi.
Sipas tij, në rastin konkret nuk janë çuar, nuk janë arrestuar nga prokuroria e Rrethit Gjyqësor tre persona të përfshirë në prodhimin e falsifikuar të ushqimeve, por dhe 2 inspektorë të AKU-së dhe se kjo qasje do të vazhdojë, nuk do të ketë paligjshmëri në fushën e sigurisë ushqimore të pashoqëruar dhe me inspektorët apo zyrtarët që e kanë lejuar, apo krijuar këtë paligjshmëri.
“Siguria ushqimore po trajtohet me seriozitetin që ligji e kërkon, se është një komponent i sigurisë kombëtare. Për këtë arsye kemi hartuar një plan në kuadër të cilit, bashkëpunojmë në mënyrë shumë efektive dhe dua ta falenderoj Policinë e Shtetit dhe Drejtorinë e Përgjithshme të Doganave, por edhe Shërbimet e Inteligjencës për shkak, që siç e thashë siguria ushqimore edhe sipas ligjit është një komponent i sigurisë kombëtare”, deklaroi Ministri.
a.c
