Pasi është gjobitur 163 milionë lekë për protestën e kaluar nga Bashkia e Tiranës për ndotje të hapësirës publike, Partia Demokratike duket se këtë herë ka “zënë” mend.
Ndërsa hapësira përreth Kuvendit të Shqipërisë ishte mbushur me mbeturina të hedhura nga protestuesit, një grup prej tyre kanë nisur pastrimin e ambientit. Pas kundërshtimit të gjobës së vendosur dhe deklarimeve se nuk do të paguhen këto detyrime, Partia Demokratike bën tërheqjen e parë duke mbledhur vetë mbetjet që ndotën paraditen e sotme kryeqytetin.
Me sa duket, frika për gjobën e radhës ka bërë që organizatorët e protestës të jenë më të përgjegjshëm duke pastruar atë vetë kanë shkaktuar. Përpos kësaj, edhe punonjësit e pastrimit të Tiranës janë angazhuar për të pastruar ambientin përreth Kuvendit të Shqipërisë dhe për ta rikthyer atë në gjendjen e mëparshme.
