Partia Demokratike nuk mund të pretendojë që është opozita, por është pjesë e saj. Kështu u shpreh Flutura Açka në studion e Ditarit me Bruna Çifligun në A2 CNN, sipas të cilës kjo parti duhet të reformohet dhe të ndryshojë lidershipin e saj. Ajo thekson se pyetja që duhet të ngrejë opozita është se pse nuk e ndjekin shqiptarët.
“Mendoj që PD ka shanset të jetë në pushtet në 2025 bashkë me opozitën tjetër. PD nuk mund të pretendojë që është opozita, por është pjesë e opozitës. Sa kohë që e thotë këtë gjë do bëjë gabim, do të minimizojë veten në mesin e kësaj opozite që ajo pret ta drejtojë. Gjëja e parë që duhet të bëjë PD; duhet të reformohet. Ka akoma edhe pak kohë. Nëse nuk ndryshon lidershipi me këto gabime, përderisa nuk rezonon kur bëhen mosbindje civile e protesta duhet të rezonojnë me shqiptarët të cilët duhet të mbushin sheshet. Opozita duhet të zgjidhje çështjen se pse shqiptarët nuk e ndjekin?”
Opozita sipas saj duhet t’u qaset në mënyrë të qartë dhe të vendosur shqiptarëve dhe jo të korruptohet me Ramën sikurse ndodhi me amnistinë apo ndryshimet në kod në 2008-ën. Për shkak të qasjes së saj ajo tha në A2 CNN se ka marrë fyerje dhe kërcënime nga kolegët opozitarë.
“Pse Edi Rama ishte shumë i mirë në 2008 kur u bënë ndryshimet kushtetuese apo kur u bashkuan votat për amnistinë? Kjo gjë; korruptimi i pjesshëm e selektiv me Ramën na ka çuar deri këtu, që na humbur besimin me qytetarët. A jemi ne përballë këtij kundërshtari të qartë dhe të vendosur? Nuk kemi qenë gjithmonë të qartë e të vendosur. Unë për vete jam e qartë dhe e vendosur. Por në emër të kësaj gjëje nuk mund të pranoj dot që nga kolegët e mi të më vijnë fyerje e kërcënime publike në parlament e ashtë tij., nuk jam aty që të bëj Yes man-enen. Unë kam kërkuar që fryma e re e PD të ishte me dinjitet, u diskreditua. Kush e diskreditoi këtë frymë të re të PD për të justifikuar e ndihmuar Sali Berishën? Këta shkatërruan frymën e re të PD. Kam dhënë idetë e ia për një opozitë më fleksibël që të shkojë në pushtet, jam në të drejtën time dhe këtë qasje e kam bërë publike dhe jo kulisave ”.
Kthimin në parlament të opozitës e sheh si një mundësi për të kundërshtuar buxhetin skandaloz siç e quajti ajo, por duhet t’i jepej një shpjegim shqiptarëve për lënien në mes të rrugës të aksionit opozitar.
“Protesta e fundit nuk ishte e ideuar mirë, nuk e dha atë që pritej. Edhe kjo lënia e rrugës e kthimi në parlament pa asnjë shpjegim shqiptarëve. Aksioni politik është i qartë, por megjithatë kthimi në parlament është edhe mundësi e opozitës për t’i bërë opozitë këtij buxheti skandaloz që po vjen. Të frenojë këtë vrull që kanë marrë të majtët për ta kaluar për 10 minuta . Të mos përsërisim gabimin e vjetshëm me buxhetin”.
E pyetur për bashkëpunimi politik, deputetja Açka thotë se ajo mbështet edhe forcat e reja politike.
“Mbështes Djathtas 1912 dhe forcat e reja politike që po maturohen e shquhen, edhe një lëvizje me not akombëtare. A do ta ndryshojmë këtë Shqipëri? Këta të rinj e të reja që duan të ndikojnë në demokraci, a do të mbeten robër të të qenit kryetar dhe grupit të vogël nismëtar apo do të bashkohen për të krijuar sinergji? Nëse do të mbeten ishullorë do të thotë që nuk janë pjekur. Grupimet e reja duhet të lënë gjërat e vogla. Djathtas 1912 është në negociata, por nuk di ç’ ndodh brenda. Unë jam mbështetëse e fuqishme e një fryme të re që duan ta largojnë Shqipërinë nga estabilshmenti i vjetër. Për mua njeriu më i rrezikshëm sot në pushtet është Edi Rama , e ka kthyer qeverinë në qeverisjen e bandave dhe jo shqiptarët”.
/a.r
