PD jep 6 arsye pse duhet të ikë Xhafaj, por nuk përgjigjet se “a do dorëhiqet Basha”

Nënkryetari i PD-së Edi Paloka ka reaguar pas deklaratës së ministrit të Brendshëm Fatmir Xhafaj për faktin se nëse audio-përgjimi rezulton i vërtetë ai do të japë dorëheqje.

Përmes një deklarate zyrtare Paloka renditi disa nga arsyet se pse Xhafaj duhet të japë dorëheqje, duke nënvizuar faktin se vëllai i tij duhet të ishte i arrestuar.

Por Paloka nuk i ka kthyer pergjigje ministrit, ku ky i fundit shtroi pyetjen: A do te ike Basha nese audio do te dale e falsifikuar?

REAGIMI I PALOKËS
Fatmir Xhafaj duhet të largohet sepse i vëllai i tij sot duhet të ishte i arrestuar dhe nën hetim dhe jo të ishte nisur në Itali.
Fatmir Xhafaj duhet të iki sepse vëllain e tij të dënuar nuk e dërgoi për shumë vite në Itali të bënte dënimin, por e zhduku brenda 24 orësh sa u zbulua se vazhdonte trafikun.
Fatmir Xhafaj duhet të largohet sepse pasuria e tij duhet të hetohet sipas Ligjit AntiMafia dhe kjo nuk mund të bëhet sa kohë ai është Ministër i Brendshëm, shefi i policëve që bëjnë hetimin
Fatmir Xhafaj duhet të largohet sepse ai vetë nuk e kalon dot vetingun që ju bën policëve vartësa të tij.
Fatmir Xhafaj duhet të largohet sepse Shqipëria ka njerëz pa lidhje me krimin që mund t’i shërbejnë më mirë. Fatmir Xhafaj duhet të largohet sepse është e turpshme dhe e dëmshme për Shqipërinë që ai të jetë Ministër i Brendshëm kur Shqipërisë i është vënë kusht për të luftuar krimin, drogën dhe korrupsionin.
Fatmir Xhafaj shpreson akoma por fati i tij politik është vulosur: Fatmir Xhafaj do të largohet nga ministër dhe nga politika. Shqipëria duhet dhe do të ndahet nga njerëz si ai dhe shefi i tij.