Deputeti i opozitës Enkelejd Alibeaj në një deklaratë për mediat nga selia blu i kërkoi llogari kryeministrit Edi Rama, se pse është takuar fshehurazi me ish-ministrin e brendshëm Saimir Tahiri.
“Rama hesht dhe nuk u thotë shqiptarëve se përse është takuar ditën e premte fshehurazi me Saimir Tahirin paradite në një nga spitalet e mëdha të Tiranës”
Gjithashtu , Alibeaj nuk kurseu dhe akuzat ndaj vëllait të kryeministrit, Olsi Rama.
“Nuk mund ta ndihmojmë Edi Ramën të fshehë dy të vërteta të mëdha. E parë është se ai po bën gjithçka për të shpëtuar Saimir Tahirin nga burgu dhe e vërteta e dytë është se vëllai i tij , Olsi Rama është një nga peshqit e mëdhenj të kokainës.
Që kur u kapën 613 kg kokainë, kryeministri Edi Rama është zhdukur nga vendi. Cili është roli i Edi Ramës? Kryeministri i vendit duhet të flasë dhe të mos e mbajë peng popullin. Edi Rama e di shumë mirë se pa i hequr mbrojtjen ish- m,ministrit së tij të Brendshëm, nuk mund të hapen negociatat për Bashkimin Europian”, tha deputeti demokrat Alibeaj.
a.ç
