Presidenti Donald Trump tha se Shtetet e Bashkuara ishin të përgatitura të ndërmerrnin një sulm të dytë ndaj Venezuelës, nëse do të ishte e nevojshme, megjithëse ai shtoi se për momentin nuk ishte më e nevojshme pasi sipas tij.
Sipas mediave të huaja, komentet e Trump erdhën pasi personeli ushtarak amerikan arriti të kapte Presidentin Venezuelan Nicolás Maduro dhe gruan e tij në një bastisje gjatë natës.
“Ne ishim të përgatitur të bënim një valë të dytë sulmesh nëse do të na duhej ta bënim këtë, por në fakt supozonim se një valë e dytë do të ishte e nevojshme, por tani ndoshta nuk është”, tha Trump në komentet nga Palm Beach, Florida, ndërsa foli për operacionin.
“Vala e parë, nëse do ta quanim kështu, sulmi i parë, ishte aq i suksesshëm, sa ndoshta nuk kemi nevojë të bëjmë një të dytë, por gjithësesi jemi të përgatitur të bëjmë një valë të dytë, një valë shumë më të madhe, në fakt”, vazhdoi ai, shkruan A2 CNN.
Presidenti përsëriti komentet se operacioni i kryer në orët e para të mëngjesit të së shtunës, ku forcat elitare amerikane nxorën Maduron dhe gruan e tij nga dhoma e tyre e gjumit, ishte një operacion “i saktë”.
Dhe ai shtoi se operacionet e mëvonshme ushtarake në Venezuelë ishin në fazën e planifikimit, por sipas tij, administrata “ndoshta nuk do të duhet t’i bëjë” ato.
