Lulzim Basha ka dalë sot dhe ka sqaruar idenë e tij për veting në politikë.
Ai në fakt nuk kërkon veting për pasuritë e politikanëve, por veting për lidhjet me krimin.
Pra, Basha nuk do verifikimin e pasurive që kanë politikanët dhe si i kanë bërë ato.
Por dhe në këtë rast, Basha ka probleme, në rast se vërtet do bëhet veting për lidhjet e politikanëve me krimin, shkruan TemA.
Bëhet fjalë per zgjedhjet e 2009, gjë që vërtetohet dhe nga kabllogramët e Ambasadës amerikane në atë kohë, shkruan TemA.
Ajo që kërkon Basha në fakt, është në Kushtetutë.
Kushtetuta që në 1998, kërkon verifikimin e politikanëve për lidhjet me krimin. Nëse kanë lidhje të tilla, ata duhet të përjashtohen nga politika.
Nga ana tjetër gjatë fjalës së sotme, kreu i PD nuk ka përmendur verifikimin e familjarëve të politikanëve.
Në projektligjin e dorëzuar nga PD në Kuvend, shihet se PD kërkon që nga Vettingu të përjashtohen familjarët e politikanëve dhe zyrtarëve të lartë.
Konkretisht, në Vetting do të kalojnë deputetët, kryetarët e bashkive, drejtuesit e insitucioneve dhe anëtarët e institucioneve kushtetuese që emërohen nga Kuvendi. Bashkë me ta, në Vetting do të kalojnë edhe kryeministri dhe ministrat, por jo familjet e tyre.
