Nga Eduard Zaloshnja
Në sondazhin tim të fundit për ‘Zërin e Shqiptarëve’, 1475 banorë të rritur të vendit e plotësuan pyetësorin e shpërndarë përmes një linku me SMS krejt të rastësishme në të gjithë Shqipërinë. Kampioni u kolaudua statistikisht, që t’i përfaqësonte sa më afërsisht 1.9 milionë banorët e rritur të vendit gjeografikisht, demografikisht dhe politikisht (me marzh gabimi statistikor +/-2.5%).
Nga përgjigjet e të anketuarve, mund të ekstrapolohet me përafërsi se sa dhe si do të votonin në Shqipëri, nëse do të ishin zhvilluar zgjedhje parlamentare të dielën (meqë kampioni përfaqëson statitistikisht popullsinë e rritur të vendit).
Kështu, nga rreth 1.465 milionë banorë të rritur që votuan vjet më 11 maj, rreth 700 mijë do të votonin për PS-në, kurse rreth 335 mijë do të votonin për PD-ASHM. Ndërkohë, për partitë e tjera të vogla do të votonin rreth 25 mijë.
Vjet më 11 maj, votuan për PS-në rreth 765 mijë banorë të rritur të vendit (disave u shkoi vota dëm, sepse u ngatërruan në plotësimin e fletvotimit si fletë gazete). Për PD-ASHM votuan rreth 500 mijë dhe për partitë e tjera të vogla rreth 200 mijë. Sondazhi i sipërpërmendur na tregon përafësisht se PD-ASHM ka një firo prej rreth 165 mijë votuesish (pra, rreth 1/3 e votuesve të vjetshëm të saj janë të zhgënjyer me të) dhe PS ka ka një firo prej rreth 65 mijë votuesish (pra, rreth 1/13 e votuesve të vjetshëm të saj janë të zhgënjyer me të). Kurse partië e vogla pothuaj janë tretur fare…
Sidoqoftë, kjo foto elektorale ka ndryshuar vazhdimisht deri më sot qysh nga shtatori, kur fillova të kryej sondazhe javore për ‘Zërin e Shqiptarëve’ (shihini grafikun e mëposhtëm).
Kështu, PS-ja e pati kuotën më të ulët në dhjetor, kur vetëm 642 mijë banorë të rritur të vendit ishin gati të votonin për të, ndërsa kuotën më të lartë e pati në shtator, kur pothuaj 750 mijë do të votonin për të. Nga ana tjetër, PD-ASHM e pati kuotën më të ulët më 11 maj, kur vetëm 290 mijë banorë të rritur të vendit ishin gati të votonin për të, ndërsa kuotën më të lartë e pati në shtator, kur rreth 390 mijë do të votonin për të.
Si ka mundesi qe njerezit dalin ne boulevard dhe me slogans e Pllit tuaj te dal edhe une I perfaqesuar nga sondazhi juaj? Keto jane te pa besueshme nga ana ime.1.5 meleon per Ata ne shesh edhe mosha pa te drejte vote mes tyre.Jep doreheqjen kjo qeveri dhe Kalo ne votime te parakoheshme ta shikosh sondazhin.