Partia Demokratike ka akuzuar sot Agjencinë Kombëtare të Mjedisit se ka shkelur ligjin në dhënien e lejeve për ndërtimin e hidrocentraleve. Kreu i Departamentit të Mjedisit në PD, Jamarbër Malltezi tha në një konferencë për shtyp se “Edi Rama rreket t’u mbushë mendjen shqiptareve se Agjencia Kombetare e Mjedisit (AKM) do na garantoje për importin e mbetjeve, pasi ajo ka rritur kapacitetet e perralla të tjera. Por kjo Agjenci del se ka shkelur brutalisht disa ligje dhe konventa ndërkombëtare për mbrojtjen e mjedisit përgjatë 3 viteve te fundit. Shoqata e Gazetareve për Drejtesi (në një raport të financuar nga Ambasada Amerikane) ka vlerësuar lejet mjedisore të dhëna për ndërtim HEC-esh nga Janar 2014 deri në Qershor 2016, ku është zbuluar se për 38 HEC-e (nga 43 në total), miratimi është dhënë pa kryer fare Vlerësimin e Ndikimit në Mjedis të tyre!”.
Sipas tij “të dhënat që mungojnë përfshijnë gjatësinë e lejuar e devijimit të lumit, ndërkohë që asnjëri nuk përmban kushtet për masat që duhen marrë për mbrojtjen e habitateve dhe llojeve biologjike që do ndikohen nga projekti i miratuar. Pra, Agjencia që sipas Ramës do na mbroje nga mbetjet e rrezikshme po shkel ligjet e biodiversitetit dhe te menaxhimin të integruar të burimeve ujore, si edhe disa Konventa ndërkombëtare, si ajo e Bernës dhe e Bonit, të dyja të nënshkruara nga Shqipëria. Ironia shtohet kur mendon që në 2014, Aleanca e Plehrave futi duart dhe ndryshoi ligjin për lejet mjedisore të hartuar nga BE, vec për të detyruar edhe dyqanet e vogla te lagjeve të banimit të marrin leje mjedisore pas kryerjes se detyrueshme të vlerësimit mjedisor”.
Malltezi theksoi më tej se “Këtu kam nje proces-verbal të nënshkruar nga zuzaret e qeverisë që terrorizojne nje fast-food vec 6m2 me 5 milione lekë gjobe nëse nuk do paguaje për vlerësim dhe leje mjedisore tek sekseret e qeverise. Pra, Aleanca e Plehrave jep leje mjedisore pa proces të Vleresimit të Ndikimit në Mjedis për HEC-e, që cenojne qindra hektare dhe ndryshojne rrjedhen ujore per dhjetra km (perfshi HEC-e ne Valbone, Librazhd dhe Korce), por detyron kthinat e qofteve me 5m2 të kryejnë VNM dhe të pajisen me leje mjedisore! Rilindasit janë sulur nëpër dyqane dhe biznese si hiena per rryshfete, duke keqperdorur ligjin e lejeve mjedisore. Te gjitha këto janë kriminale”.
ma.me
