Komisioni parlamentar i Ligjeve, pas diskutimeve disamujore, miratoi konsensualisht paketën e ndryshimeve ligjore që synon uljen e nivelit të kredive me probleme. Paketa e ndryshimeve në Kodin Civil dhe kodin e procedurave civile, sëbashku me ndryshimet në ligjin për përmbarimin parashikojnë thjeshtimin e procveduirave të ekzekutimit të kolateralit.
Referuar ndryshimeve, urdhri i ekzekutimit do të përmbajë detyrimin e saktë që ka debitori ndaj sistemit bankar ndërsa ankandet për shitjen e kolateralit parashikojnë ulje të vlerës deri në 50 për qind në ankandin e tretë.
Krahas paketës së ndryshimeve ligjore, komisioni i ligjeve miratoi dhe projektligjin e ri të falimentit. Projektligji i ri synon t’i japë zgjidhje problematikave të konstatuara me procesin e falimentit që ka rezultuar një proces i vështirë e i komplikuar. Por veç përmirësimeve proceduriale, nisma e re ligjore vjen si pjesë e projektit për uljen e nivelit të kredive me probleme.
Projektligji përmban sjell një serë risish, që nga thjeshtimi i procedurave e deri të ristrukturimi për bizneset që nuk kanë aftësi paguese. Projektligji parashikon gjithashtu mënyrën e funksionimit të gjykatave të falimentit dhe të agjencisë së mbikqyrjes së falimentit. Veç ndryshimit të procedurave, projektligji i ri për falimentin parashikon edhe sanksione të reja për kompanitë apo personat që bëjnë deklarime të rreme.
Miratimi i paketës së ndryshimeve ligjore për uljen e nivelit të kredive me probleme është parashikuar të votohet në seancë plenare këtë javë.
ma.me
