Viti 2017 duket se ka qenë një vit i suksesshëm jo vetëm për transformimin infrastrukturor që ka pësuar Tirana. Zjarret që përfshinë vendin gjatë verës së vitit të kaluar, shënuan dëme materiale, por asnjë viktimë, falë ndërhyrjes profesionale të zjarrfikësve. Po ashtu, pavarësisht situatës së vështirë të krijuar në fillim të 2017 me temperaturat e ulëta apo reshjet e dendura të shiut që arritën nivelin historik të tyre, kryeqyteti e përballoi me sukses.
Të gjithë janë dëshmitarë të punës së jashtëzakonshme që kanë bërë punonjësit e Shërbimit të Mbrojtjes nga Zjarri dhe Shpëtimi gjatë muajve korrik, gusht dhe fillimit të shtatorit 2017.
Nga ndërhyrja e menjëhershme e shërbimit zjarrfikës nuk u dëmtua asnjë banesë, asnjë pronë e qytetarëve të Tiranës dhe mbi të gjitha nuk u lëndua asnjë qytetar. Në total, shërbimi zjarrfikës për vitin që lamë pas, ka ndërhyrë në 2279 raste, kur nga qytetarët është kërkuar ndihma e shërbimit zjarrfikës.
Edhe gjatë mbrëmjes së vitit të ri, nga 27 raste kur është kërkuar ndërhyrja e shërbimit zjarrfikës, është arritur zgjidhja e situatës pa probleme. Kryebashkiaku Veliaj ka premtuar për 2018 që krahas trajtimit financiar, të ketë edhe përmirësim të kushteve të punës për të gjithë shërbimin zjarrfikës
