Për ta realizuar na nevojiten:
10-12 feta bukë të thekur apo buka e mbetur nga dita e mëparshme;
1 qepë e vogël;
1 thelpi hudhër;
Supë me perime e mbetur apo dhe lëng mishi;
Domate të freskëta dhe nëse nuk keni, 1 shishe salcë domatesh edhe pse do të sugjeroja domate të freskëta. Në zonën time ishte 100 lekë kg sa kostoja e një shishe salce;
4-5 copa djath të bardhë dhie për të patur më pak yndyrë;
Vaj ulliri;
Kripë.
Pasi të keni prerë qepën hollë hollë dhe e kemi skuqur pak së bashku me një thelpi hudhër dhe vaj ulliri, aq lugë gjelle vaj ulliri për sa persona po gatuajmë, shtojmë domatet e prera ose salcën e domateve, kripë, përziejeni dhe lëreni të ziejnë me kapak për 20 minuta. Prisni bukën dhe djathin në copë. Grini në mikser supën me perime, që ju ka mbetur nga dita e mëparshme duke e kthyer në krem dhe i shtojmë një gotë ujë. Filloni duke vendosur në tepsi një shtresë salcë, shtoni fetat e bukës dhe lageni me lëngun e perimeve. Vazhdoni me një shtresë tjetër salce, djathin e dhisë së grirë. Krijoni kështu dy shtresa dhe vendoseni në furrë me 180 ° për 20 minuta.
