Pas përfundimit të protestës para Kryeministrisë, Sali Berisha u pyet nëse do të ketë edhe një protestë kundër Lulzim Bashës.
Berisha u shpreh se tashmë ka një shumicë nga një anë dhe një pakicë në anën tjetër. Prandaj sipas tij, pakica duhet të njohë shumicën ose në të kundërtën do të mbahet përgjegjës në mënyrë shembullore.
Do të ketë protestë edhe kundër Lulzim Bashës?
Sali Berisha: Një gjë është këtu, sot ka një shumicë dërrmuese në njërën anë, ka një pakicë në anën tjetër. Nëse kjo pakicë vazhdon të mos njohë shumicën, mendon se mund të shtyjë shumicën me ndihmën e qeverisë, e vërteta është se do të mbahet përgjegjëse në mënyrë shembullore, ajo dhe Edi Rama. Shumicën duhet ta respektosh dhe s’mund ta marrësh kurrë peng. Ne jemi shumicë.
Berisha: Lëvizja jonë është për një opozitë më të fortën që ka parë vendi që nga viti 1991. Në rast se Shqipëria është rrokulisur në këtë mënyrë, përgjegjësi ka edhe udhëheqja e shkuar e opozitës, e cila në asnjë rrethanë nuk ngjalli shpresën dhe besimin te shqiptarët. Kjo kohë merr fund. Ju e patë, një protetsë e thirrur në 48 orë, herë tjetër do ketë program protesta. Asgjë nuk do na pengojë pa bërë transparencë të plotë për të gjitha lidhjet e Ramës me krimin dhe vjedhjet.
Kur do ta merrni drejtimin e PD-së dhe do largoni Lulzim Bashën?
Berisha: Cili do të jetë drejtimi i PD-së, e përcaktojnë anëtarët e saj. Sot PD e rithemeluar në vlerat e saj, ëhstë një shumicë e jashtëzakonshme. Ky është një revolucion i pandalshëm.
Pasi u shpallët “non grata”, a nuk mendoni se duhet ta shikoni këtë betejë si personale?
Berisha: Ngjarje të caktuara nxisin zhvillime të mëdha. Ndonjëherë duken se janë të lidhura, por në fakt nuk ka asgjë midis tyre. Nuk është halli i Sali Berishës, por janë hallet e injoruara të qytetarëve shqiptarë nga njeriu që përfundoi në metamorfozën më të shpifur, atë të bravës. Kur njeriu shpalos veten, do ishte e pafalshme të mos e lexosh. Lul brava shpalosi veten. Sot ka një shumicë dërrmuese nga njëra anë, ka edhe një pakicë nga an a tjetër. Nëse kjo pakicë mendon se mund të shtypë shumicën me ndihmën e qeverisë, do mbahet përgjegjëse në një mënyrë shembullore. Shumica respektohet, nuk mund ta marrësh kurrë peng./m.j
