Presidenti Ilir Meta ishte i pranishëm në Konferencën e Ambasadorëve e cila është në ditën e dytë. Kreu i shtetit ka folur sërish për çështjen e mundësinë dhënies së pasaportave për shqiptarët e Kosovës, teksa tha se një veprim emocional do të rezikonte vizat edhe për shqiptarët e Shqipërisë.
“Ne jemi në monitorim për liberalizim të vizave, të mos veprojmë emocionalisht dhe me Kosovën”, ka thënë Meta.
Në vizitën e tij të fundit në Kosovë, presidenti Ilir Meta u ballafaqua me kërkesën e homologut të tij nga Kosova, Hashim Thaçi që i kërkoi atij pasaporta për të gjithë shqiptarët e Kosovës, në rast se për kosovarët vazhdon izolimi nga Evropa. Edhe në takim Meta kishte shprehur rezervat e tij për një gjë të tillë.
Në anën tjetër, Meta ka bërë komente edhe të fqinjësisë së mirë me Maqedoninë. Ka thënë se Shqipëria duhet ta promovojë anëtarësimin Maqedonisë në NATO, dhe se për këtë tani rrethanat janë më të favorshme.
Ai u ndal te rëndësia e dilomacisë për interesat e vendit, sidomos ato ekonomike.
“Duhet të përmirësojmë klimën e biznesit, do të bëni gjithçka për të promovuzr turizmin prdukktet evednit tonë dhe për të rritur intersin e investitorëv etë ndryshëm drejt Shqipërisë, shqiptarët jashtë janë një potencial shumë më i madh se shqiptarët brenda, për arsye se për fat të keq, një nga pjesët më vilate të shoqërisë sonë dhe më të kualifikuar ndodhet jashtë vendit, është problem, por është edhe avantazh duke pasur parasysh që shumë prej tyre janë mjaft të sukseshëm dhe kanë ndikim në vendet ku sot jetojnë”- tha Meta.
Ai ka vlerësuar krijimin e ministtrisë së Diasporës. “Kjo është pozitive se kemi detyrim të kemi marrëdhënie shumë të qëndrueshme dhe të tregojmë mbështetje dhe kujdes për ta”.
Duke u ndalur te viti që vjen si Viti i Skënderbeut, Meta dha edhe një mesazh të rëndësishëm: Nuk e kemi të vështirë të ndahemi për fat të keq, shpresoj që viti i Skenderbeut të na bashkojë të gjithëve se është figurë përbashkuese për kombin, dhe është moment për ti bashkuar shqiptarët dhe për të ngritur më lart vlerat e kombit tonë, por edhe për të dhenë mesazh bashkimi jo për një ditë, por plan afatgjatë.
Më tej Meta u tregua i hapur për pyetje, duke vijuar bashkëbisedimin me diplomatët./a.m.
