Pas Venezuelës dhe kërcënimeve ndaj Kolumbisë, Trump nuk kurseu as ambicien për Groenlandën.
Analisti Roland Bejko thotë se SHBA-ja ka qenë gjithmonë e afërt me këtë territor dhe çështja është diskutuar herë pas here. Sipas tij, Trump mbështetet te Doktrina Monroe dhe synon të ndërtojë një pol rajonal amerikan, duke përfshirë të gjithë Amerikën e Veriut dhe zonat fqinje saj.
“Europa ka pasur sot sytë tek Groenlanda, nga të gjitha shtetet. Një gjeneral i NATO-s tha se në çështjet e sigurisë që lidhen me Aleancën, Trump ka të drejtë. SHBA-ja është gjithmonë e afërt me Groenlandën dhe kjo çështje është diskutuar herë pas here.
Nëse duam të kuptojmë si do të ndërtohet e ardhmja, duhet të shohim së pari të shkuarën. Trump mbështetet te Doktrina Monroe. Dukej se ekziston një kompromis, ku SHBA-ja ka pranuar realitetin politik: në rast se interesat e Rusisë dhe Kinës ishin për të zotëruar territorin e tyre, SHBA-ja synon të krijojë një pol rajonal të vetin, duke përfshirë të gjithë Amerikën e Veriut dhe gjithçka që është fqinje me të.” , tha Bejko.
