Kur kanë kaluar tetë vjet që nga pezullimi i marrëveshjes në mes të Zvicrës dhe Kosovës lidhur me pensionet e kosovarëve që kanë punuar e jetuar në Zvicër, së shpejti pritet që të nënshkruhet marrëveshja e re, shkruan Koha Ditore.
Kjo pasi që të mërkurën Këshilli Federal Zviceran ka miratuar marrëveshjen e sigurimeve shoqërore mes shtetit të Zvicrës dhe atij të Kosovës, dhe ka autorizuar presidentin e Konfederatës zvicerane, Alain Berset, për të nënshkruar këtë marrëveshje.
Marrëveshja pritet të nënshkruhet së shpejti dhe ajo hyn në fuqi tek pas miratimit nga parlamentet e të dyja vendeve. (b.an)
