Pas incidentit me trenin dhe tensioneve në rritje, presidenti i Kosovës, Hashim Thaçi ka zhvilluar një bisedë telefonike me kryeministrin serb Aleksandar Vuçiç.
Thaçi, përmes një postimi në Facebook, tregoi se përmes telefonit ka biseduar me kryeministrin serb për normalizimin e marrëdhënieve në mes të Kosovës dhe Serbisë.
“Sapo zhvillova një bisedë telefonike me kryeministrin e Serbisë, Aleksandar Vuçiq.U pajtuam që të punojmë bashkërisht që nëpërmjet dialogut t’i zgjidhim të gjitha çështjet me interes reciprok e që ndërlidhen me procesin e normalizimit të marrëdhënieve mes Kosovës dhe Serbisë”, ka shkruar Thaçi.
Pas incidentit me “trenin serb”, që u nis nga Beogradi për në Mitrovicë, kryeministri serb kishte paralajmëruar se mes Beogradit e Prishtinës do të mund të vendosej një linjë e “nxehtë” telefonike. /a.m.
