Kryeministrja finlandeze, Sanna Marin, u përfol në mediat botërore për shkak të moshës së re, 34 vjeçe si drejtuese e një vendi dhe ndërtimit të një kabineti përgjithësisht me femra.
Përmes një postimi në rrjetet sociale, ajo ka ndarë me publikun disa foto nga martesa e saj.
Ajo është martuar me personin që ka ndarë 16 vite të jetës së saj. thuhet në njoftimin e kabinetit të saj.
”Sanna dhe Markus, prindër të një vajze dy vjeç e gjysmë, u martuan në rezidencën zyrtare të kryeministrit, në prani të familjes dhe miqve më të ngushtë”, thuhet në njoftimin e kabinetit të saj.
Ndërkohë që 34 vjeçarja ka postuar në “Instagram” një foto ku shfaqej me një fustan të bardhë, tufë lulesh në dorë, me bashkëshortin e saj, Markus Raikkonen.
Social-demokratja Sanna Marin u zgjodh në dhjetor të vitit të kaluar si kryeministre i Finlandës, në moshën 34 vjeçe.
/e.rr
