Një model për të frymëzuar këdo në Itali, por edhe në botë. Ky është Juventusi dhe arsyeja pse në Shqipëri, Partizani është mbështetur në këshillat e Luciano Moggit, pavarësisht rrezatimit të futbollit italian jashtë vendit, që ende shihet nga shumë si një nga “gurus” e topit. Kjo është arsyeja pse presidenti Gazmend Demi ka vendosur ta punësojë atë si një konsulent dhe për të ndjekur këshillën e tij. Nuk është rastësi që stoli i është besuar ish-lojtarit të Juventusit, Mark Iuliano.
Gjatë merkatos kanë mbërritur edhe 34-vjeçari italian, Giovanni La Kamera, dhe sulmuesi 28-vjeçar shqiptar, që mbërriti me një anije në Itali shumë vite më parë, Edgar Cani. Ky i fundit ka vendosur të kthehet e të luajë futboll në atdheun e tij, ku e kanë mirëpritur si një lojtar të nivelit të lartë.
Futbollistët nuk janë përbërësi i vetëm në funksion të qëllimit, për të sjellë përsëri lavdinë e Partizanit, i cili ka fituar 15 tituj të ligës në histori, por trofeu i kampionit mungon që nga viti 1993.
“Unë nuk jam një organ ekzekutiv vendimmarrës, por një konsulent i presidentit Demi, – shpjegoi e Moggi në një intervistë televizive për edicionin online të “Tirana Times”. – Si i tillë unë e këshilloj presidentin për të krijuar një “Juventus të vogël”, që do të thotë duke bërë atë që unë kam arritur me klubin bardhezi, por edhe me Torinon e Napolin: krijimin e një sektori të madh të rinisë për shkak se një klub nuk mund të mbështetet vetëm te blerjet, por edhe në shitje.”
a.ç
