Gjykata e Tiranës ka nisur këtë të enjte procesin gjyqësor në bazë të padisë së bërë nga Presidenti Nishani kundrejt Kryebashkiakut Veliaj, me akuzën e shpifjes. Në këtë seancë ishin paraqitur vetëm përfaqësuesit ligjorë të të dyja palëve, teksa kanë qenë avokatët e Veliajt të cilët kanë kërkuar kohë për t’u njohur me padinë dhe argumentat e paraqitur.
Po ashtu edhe Gjykata ka marrë kohën e nevojshme për të bërë kërkesën drejtuar një televizioni, që t’i vërë në dispozicion pamjet filmike ku shfaqet Veliaj, duke akuzuar Presidentin e Repblikës.
Replikat mes Veliajt dhe Nishanit nisën me parkun e lojërave tek liqeni, i cili për disa javë, u kthye në debatin më të nxehtë në kryeqytet.
Nishani ju drejtua parkut, ku mbështeti shoqërinë civile, e cila ishte kundër ndërtimit të saj tek liqeni si dhe sulmoi kryebashkiakun.
Presidenti e paditi Veliajn, pasi sipas tij, ky i fundit e akuzoi për përvetësim pronash në Elbasan.
Nishani kërkon një dëmshpërblim simbolik prej 100 lekësh dhe falje publike nga ana e Veliajt./ java/ a.k
