Kosova ka rezerva të qymyrit për furnizim me energji elektrike vetëm edhe për një muaj. Nëse Qeveria e Kosovës nuk do të arrijë të kryejë shpronësimin e tetë shtëpive në fshatin Shipitullë, për disa javë rrezikon kolapsin energjetik, shkruan Koha Ditore.
Kjo vjen, pasi KEK-u ka përdorur prej disa muaj vetëm rezervat e qymyrit dhe nuk ka kryer gërrmime, pasi ka arritur te kufiri ku fillon prona private.
Për shkak të situatës emergjente, KEK-u ka propozuar shpronësimin e 17 pronave të pronarëve që gjenden në afërsi të ekskavatorëve të KEK-ut në fshatrat Hade dhe Shipitullë.
Kryeministri, Isa Mustafa, ka theksuar rëndësinë e këtij vendimi, duke nënvizuar se çdo vonesë rrezikon ndaljen e punës së KEK-ut. (b.an)
