Vranësirat dhe shirat do të jenë prezent gjatë gjithë ditës nesër, ku herë pas here shirat do të jenë në forme shtrëngate. Më problematike situata paraqitet në veriperëndim dhe jugperëndim të territorit. Herë pas here do të ketë stuhi të forta ere dhe rrufe.
Po ashtu edhe pasditja do vijojë me shira me intensitet të lartë në zonat veriore dhe qendrore duke lënë me shira disi më të dobët zonat jugore të vendit. Parashikohet që gjatë orëve të natës të ketë dobësim të ndjeshëm të vranësirave dhe shirave në vend.
Sipas MeteoAlb, temperaturat e ajrit do të pësojnë rënie me 2 gradë në orët e mëngjesit, ndërsa rënie shumë e ndjeshme parashikohet gjatë orëve të mesditës. Era do të fryjë e fortë si në tokë dhe në det me shpejtësi 60 km/h nga drejtimi veriperëndimor, për pasojë në brigjet detare do të gjenerohet, dallgëzim deri në 6 ballë
Europa
Pellgu i Mesdheut dhe gadishulli i Ballkanit do të mbeten me vranësira dhe shira me intensitet të lartë. Ku më problematike situata paraqiten në gadishullin e Ballkanit pasi shirat do të jenë të rrëmbyeshëm. Po ashtu me vranësira dhe shira paraqiten Alpet e Europës si edhe ishujt britanike por sasia e tyre do të jetë e pakët, shkruan noa.al.
Përsa i përket dy gadishujve Skandinav si edhe Iberik do të jenë në ndikimin e motit të kthjellët. Po ashtu edhe pjesa më e madhe e Europës qendrore do të dominohen nga kthjellime dhe vranësira të lehta e kalimtare.
