Dy personat e shpallur në kërkim, Hektor Sadiku alias Ndoka dhe Edmir Marku alias Vlashi, janë larguar nga Shqipëria në drejtim të Spanjës.
Ata kanë qëndruar vetëm 5 ditë në Shqipëri, duke sjellë sasinë e parave dhe siguruar minat me telekomandë dhe armatimin me qëllim realizimin e vrasjes, së njërit prej vëllezëre Preng ose Ndoc Paluca.
Largimi i tyre nga territori shqiptar, konfirmohet nga prokuroria e Lezhës, të cilët thanë se njëri nga dhëndurët e familjes së Marie dhe Nikoll Markut, ishte larguar në Spanjë së bashku me shokun e tij, Hektor Ndokën.
Atentati
Ata kanë qëndruar në Shqipëri vetëm 5 ditë, ndërsa realizimin e vrasjes së njërit prej vëllezërve Paluca, besohet se e kishte marë përsipër që ta kryente, dhëndri tjetër, Mark Lamkja.
Ky i fundit është arrestuar së bashku me vjehrrin, Nikoll Marku dhe vjehrën, Marie Marku më 7 dhjetor dhe policia njoftoi për operacionin më 8 dhjetor 2021.
Ndërsa në dijeni të veprimeve dhe qëllimit kriminal të tyre janë vënë në dijeni edhe anëtarë të familjes Paluca në Kamëz, të cilët kanë marë masa sigurie.
Nga sekuestrimi i pamjeve filmike, të banesës dhe restorantit në Tale të Lezhës, rezultojnë se aty gjatë muajit nëntor 2021, kanë qënë dhe dy personat e shpallur në kërkim, Edmir Vlashi dhe Hektor Sadiku.
Lidhur me këtë çështje, hetimet dhe kërkimet për gjetjen e sendeve të tjera të paligjshme, janë ende duke vijuar nga policia dhe prokuroria e Lezhës.
Prova të reja
Burime pranë grupit të hetimit, thanë për “Ora News” se gjatë ditës së sotme, janë gjendur prova të tjera që implikojnë personat e arrestuar në veprimtari kriminale, por të njëjtat burime u rezervuan për sa i përket faktit se çfarë prova të tjera kanë arritur të sekuestrojnë.
Pritet që ditën e nesërme tre të arrestuarit, Marie dhe Nikoll Marku, së bashku me dhëndërin e tyre, Mark Lamja, të dalin para gjykatës së Lezhës, ku do përballen me akuzat dhe njihen me masën e sigurisë që do kërkojë përfaqësuesi i prokurorisë së Lezhës.Objektivi
Vrasja që po përgatitej, nuk ishte sulmi i parë për familjen Paluca. Pasi më datën 7 gusht, njërit prej djemve, pikërisht Preng Palucës ië bë një atentat në derë të shtëpisë, ku mbeti i plagosur së bashku me bashkëshorten.
Kjo ngjarje ka mbetur ende pa autor, ndërkohë që policia dyshon se shkak ka qenë aktiviteti i drogës së vëllezërve të Preng Palucës.
I dëmtuar nga një atentat me armë disa vite më parë, ka mbetur dhe vëllai tjetër, Ndoc Paluca, ngjarje kjo sërisht e pazbardhur nga policia.
Gjatë kontrollit të banesën dhe lokalin e çiftit Marku u zbuluan ndër të tjera edhe 2 mina me telekomandë, me lëndë eksplozive C-4, të përgatitura gati për shpërthim, të cilat sipas të dhënave rezulton se janë prodhuar në një vend fqinj me Shqipërinë. 88.900 euro të përfituara nga aktiviteti kriminal në fushën e lëndëva narkotike dhe krimeve ndaj personit.
/b.h
