Një i ri që udhëtonte në linjën e transportit publik me armë zjarri me vete, falë njoftimit nga qytetarët është arrestuar nga Policia. Bashkë me të është vënë në pranga edhe një i ri tjetër për moskallëzim krimi.
Nën cilësinë e provës materiale është sekuestruar në cilësinë e provës materiale një armë zjarri pistoletë, me krehër me fishekë.
Shërbimet e Komisariatit të Policisë Vorë, bënë arrestimin në flagrancë të shtetasve: K. M., 19 vjeç, lindur në Librazhd dhe banues në Tiranë, për veprën penale “Mbajtja pa leje e armëve dhe municionit luftarak” dhe një tjetër person që ka po të njëjtat iniciale të emrit dhe mbiemrit, por sigurisht me identitet të ndryshëm nga armëmbajtësi pa leje.
Këta dy shtetas ndërsa po udhëtonin me linjën e transportit publik Tiranë-Vorë, ndërsa janë vënë re nga qytetarët se njëri prej tyre kishte armë zjarri me vete.
Pas njoftimit që qytetarët kanë bërë në sallën operative, në vendin e quajtur “Mbikalimi i Vorës” është bërë ndalimi dhe kontrolli i dy shtetasve nga shërbimet e Policisë. Gjatë kontrollit, shtetasit K. M., 19 vjeç (lindur në Librazhd dhe banues në Tiranë), i është gjetur një armë zjarri pistoletë, me krehër me fishekë.
g.kosovari
