Mbledhja e thirrur nga kryesuesi i seancës konstituive të Kuvendit, Adem Mikullovci, sapo ka përfunduar. I dërguari nga PDK-ja, Enver Hoxhaj, pas takimit ka thënë se ka propozuar në Kryesi që të mblidhen të mërkurën në orën 10:00 dhe aty të vendoset për seancën e re. Ai gjithashtu tha se PAN ka kërkuar që zgjedhja e kryetarit dhe kryeministrit të bëhen me anë të pakos se tyre, gjatë seancës së ardhme, raporton Gazeta Express.
Ai ka shtuar se dje kryetari i PDK’së, Kadri Veseli, ka sqaruar se mund të dalim me një kandidat tjetër nëse Kuvendi e voton qeverinë e Haradinajt.
“Ky është qëndrimi ynë. Ne kemi kërkuar që të mërkurën ta kemi një takim me Kryesinë, por nuk ramë dakord”, tha Hoxhaj. Ai shtoi se e drejta për ta propozuar kryetarin e Kuvendit i takon koalicionit PAN.
“Ne kërkojmë që të mërkurën e ardhme të kemi një takim konsultativ me partitë politike për ta caktuar seancën e radhës”, tha Hoxhaj. Hoxhaj gjithashtu tha se formimi i qeverisë është i pashmangshëm, raporton Express. “Ne kemi kërkuar që zgjedhja e kryetarit dhe kryeministrit të shkojnë në pako gjatë seancës së ardhshme”, tha Hoxhaj.
Ende nuk është raportuar se kur do të mbahet seanca e radhës dhe se ende nuk dihet nëse Kryesia e ka aprovuar kërkesën e PAN’it. (b.an)
