Banorët e pallateve në rrugën “Dhimitër Shuteriqi” dhe “Ndrec Luca” janë bashkuar për të krijuar një fond përmes të cilit kanë realizuar rehabilitimin e fasadave.
Nisma ka marrë dhe mbështetjen e Bashkisë, duke bërë të mundur transformimin e plotë të lagjeve.
“Është një ditë përvëluese vere, e megjithatë është akoma më i mirë lajmi që një bllok i tërë pallatesh ka dalë në dritë falë kontributit të qytetarëve. Njiheshin si pallatet e Arabit, ishin një njollë turpi në urbanistikën e Tiranës, të bëra në vitet e rrumpallës, vitet ’90, pa plan, pa urbanizim, pa ashensorë, pa kanalizime, pa infrastrukturën e nevojshme”, deklaroi Veliaj.
Kryebashkiaku u bëri thirrje banorëve të lagjeve të tjera të zgjedhin këtë formë bashkëpunimi për të përfituar nga fondet.
“Ndonëse mund të jenë pallate të kohës së vjetër, janë pronë private, pra janë privatizuar diku nga viti ‘93-‘94, ndaj të gjithë duhet të kuptojnë që administrimi i përbashkët nënkupton që secili me vullnet të lirë bashkon pronën e vet me të tjerët, për t’u siguruar që e përbashkëta është diçka që i sjell vlerë asaj që është e përvetshme dhe private. Duhet që të gjejnë gjuhën e përbashkët në mënyrë demokratike, që investimi të ketë duk”, tha Veliaj.
Projekti i rehabilitimit të zonës ka përfshirë dhe aplikimin e sistemeve të reja të termoizolimit, duke u krijuar mundësi banorëve të pallateve që të kursejnë energji.
g.kosovari
