Janë sekuestruar një shumë e konsiderueshme eurosh false në Vlorë ditën e djeshme.
Policia ka bërë me dije se rreth orës 20:00 Simon Mitraj pasi ka furnizuar automjetin e tij tip “Jeep” me targë AA 038 CR, tek një karburant në lagjen “Rilindja” ka paguar me një kartëmonedhë me prerje 20 euro, e cila ka qenë e falsifikuar.
Pasi është konstatuar nga punonjësi i karburantit se ai kishte paguar me para false, ka lajmëruar policinë, e cila ka bërë të mundur ndalimin e tij.
Gjatë kontrollit fizik që i është bërë nga blutë e Vlorës, i kanë gjetur 73 copë kartëmonedha të tjera me prerje 20 euro në total janë 1460 euro, të falsifikuara, të cilat u sekuestruan në cilësinë e provës materiale
32-vjeçari me banim në Vlorë është prangosur nga policia.
