Avokati shqiptar në SHBA, Medlir Mema tha në një intervistë për Euronews Albania se padia e Sali Berishës ndaj sekretarit amerikan të shtetit lidhur me shpalljen e tij non grata nuk është mënyra e duhur për të kërkuar të drejtën e tij.
Sipas avokatit, hapi i dytë i hedhur nga Berisha, përmes angazhimit të një kompanie për të hapur dosjet është hapi i duhur.
“Berisha ka hedhur në gjyq Blinken për të kërkuar të drejtën me marrjen e informacionit për vendimin e marrë, pra jo në kuptimin e një veprimtarie kriminale. Gjyqi e detyron individin, në këtë rast si sekretar i shtetit për të provuar dokumentin, kjo është një mënyrë brutale për ta bërë. Dhe hapi i dytë, që Berisha ka marrë përmes angazhimit të një kompanie për të hapur dosjet është hapi i duhur. Nuk mendoj se është konstruktive nga pala e Berishës, megjithatë ai është në të drejtën e tij që të kërkojë dokumentet”, tha avokati.
