Deputeti i Partisë Demokratike, Flamur Noka, gjatë fjalës së tij në Kuvend i është drejtuar socialistëve duke i thënë se opozita nuk është shtojcë e tyre, por ajo është për të përfaqësuar popullin që është kundër narkoshtetit.
Noka: Mos mendoni e opozita këtu në Kuvend është një shtojcë formale e juaja dhe ju të silleni me të si të doni, mos mendoni se jeni ulur atje dhe keni çdo të drejte mbi opozitës. Ne këtu nuk mblidhemi thjeshtë për të miratuar apo kundërshtuar ligjet e këtij vendi, ne këtu zonjë jemi për të përfaqësuar popullin opozitar që është kundër narkoshtetit, kundër krimit të organizuar, korrupsionit dhe hajdutërisë suaj.
Ne këtu jemi për të folur sot për një kërcenim nga më seriozët që mund t’i kanose një demokracisë dhe një veni, nga kërcënimi më i madh që nga diktatura, nga kërcënimi që po i bën Shqipërisë narkoshteti.
Në këtë vend që jetojmë ne, shteti në vend që t’ju shërbej qytetarëve, ai merret gjithë kohës për t’i frikësuar, nënshtruar dhe terrorizuar. Krimi i organizuar është bërë pjesë integrale e sistemit të qeverisjes, zgjedhje pas zgjedhjesh, që nga zgjedhjet e pjesshme të Korçës, kemi pare sesi grupet kriminale mobilizohen në funksion të votave dhe të fitores së PS…
Për turpin tuaj, në shtator këtu në Parlament, do të jenë 28 përfaqësues jo të popullit, jo të shqiptarëve por të karteleve dhe organizatave kriminale. Dhe të gjitha këto, u bënë me garanci dhe porosi politike nga Ramaduro. Rama nuk ka asnjë shans të përballet me votën dhe të fitojë, ndaj shteti u kthye në shtet elektoral, policia u kthe në polici politike, SKAP-i në një detashment i blerjes, vjedhjes së votave, nuk ka asnjë hetim për krimin elektoral, sepse të gjithë u bënë bashkë.
