Ka një konflikt mes kompanisë Apple dhe organeve federale të hetimit në SHBA (FBI), në lidhje me hapjen e celularit të një terroristi islamik që kreu një akt vrastar në San Bernardino të Kalifornisë.
OKB ka mbrojtur së fundi pozicionin refuzues të Apple, për mos hapjen e celularit. Komisari i Larte i OKB për të drejtat e njeriut Zeid Raad Al Hussein deklaroi se duke thyer kodin e atij celulari, krijohet precedenti i shkeljes së privatësisë së miliona personave.
Apple ka deklaruar se nuk mund ta hapë celularin në fjalë pa krijuar një program (software), i cili mund të përdorej më pas për të hapur çdo Iphone të botës. Çka përbën një rrezik të madh edhe sipas komisarit Al Hussein.
