“Washington Times” zbulon dokumente se shefi i Shtëpisë së Bardhë ka abuzuar me paratë e taksapaguesve amerikanë
Një tarifë e gjelbër dhe paksa ë kripur për një fundjavë golfi për Barack Obamën në vitin 2013: në shkurtin e 3 viteve më parë, presidenti fluturoi në Florida për të marrë disa leksione nga mjeshtri i tij historik Butch Harmon dhe para së gjithash për të luajtur për herë të parë me Tiger Woods. Sot kanë dalë bilancet e asaj transferte nga 15 deri më 18 shkurt në Palm Beach: 3.6 milionë dollarë të taksapaguesve amerikanë.
Në kulmin e fushatës elektorale, në gazetën “Washington Times” spikat një llogari e Government Accountability Office, një seksion investigativ i Kongresit që heton mbi shpenzimet e administratës, duke përllogaritur shpenzimet e Departamentit të Mbrojtjes dhe Sigurisë Kombëtare: dhe shifra është mjaft e lartë: 3.6 milionë dollarë.
Për leksionet dhe xhiron me Tiger Woods (atëherë numri një në botë, para skandalit seksual ku kishte tradhtuar bashkëshorten e tij me dhjetëra femra të tjera), në klubin “Floridian Yacht and Golf Club”, Obama u mbështet edhe nga avioni “Air Force One” (i cili kushton 200 mijë dollarë) për çdo orë fluturim, por jo vetëm: për logjistikë dhe para së gjithash për sigirunë, ishin mobilizuar avionë ushtarakë nga Teksasi dhe Nju Jorku dhe kompani private, lëvizje nga Roja Bregdetare, makina me qira dhe një numër i panjohur i shërbimeve sekrete. Dhe totali i shpenzimeve, duke mos llogaritur rrogat dhe shpenzimet e udhëtimit të paguara për agjentët e tyre ose oficerëve ushtarakë në detyrë të “Floridian”, ishte marramendës.
Nga regjistrat e Shtëpisë së Bardhë, del se më 15 shkurt 2013, Obama fluturoi nga Joint Base Andrews të Uashingtonit (ku qëndron “Air Force One”, deri në Çikago, për një seri takimesh mbi ekonominë. Pastaj nisi udhëtimin në “Palm Beach” për një “periudhë pushimesh” të presidentit. Dhe më pas sërish rikthim në bazën e Uashingtonit./shqip/a.k
