Nga Këneta, kryeministri Edi Rama ka sjellë një tjetër shembull, sipas së cilit është tregues se si keqinformimi nga ana e mediave ka sjellë pasoja shumë të rënda. Bëhet fjalë për lajmin se spitali i Durrësit ka marrë dëmtime të forta e për pasojë rrezikon të shembet.
I gjendur përballë kësaj situate, një prej familjarëve ka nxjerrë babanë nga spitalit pavarësisht insistimit të mjekëve. Siç tregon kreu i qeverisë, ai ka ndërruar jetë rrugës.
Nisur nga këto ndikime negative, kryeministri Rama i quan “Kriminelë” dhe jo media.
“Gjithë kjo histori është historia e mediave. Marrim babanë nga krevati duke iu rezistuar mjekëve mos lëvizni, se dëgjojnë se po shemben spitali i Durrësit, dhe u vdes babai rrugës. Në vend që të mendojnë dy herë kur të flasin, që t’i lënë për një fazë të dytë, por non stop nëpër portale, TV. Kriminelë. Kjo është historia. Mos shihni TV, ndiqni radion më mirë“, tha Rama gjatë vizitës së tij në pasditen e kësaj të hëne nga Këneta. /e.s/
