Glendis Demiri, 14 vjeç bashkë me familjen e tij duhet të dëbohej nga Gjermania deri më 31 mars. Por, shokët e tij të klasës po luftojnë kundër kësaj dhe për këtë qëllim kanë ndërmarrë një peticion që deri tani është firmosur nga mbi 45 mijë persona.
Pas kësaj, Zyra e Emigracionit ka shtyrë dëbimin e tyre për në Shqipëri dhe tani kanë dhe katër muaj të tjera për të justifikuar qëndrimin në Gjermani.
Glendis ka një problem me sytë që në Shqipëri nuk mund të marrë trajtim thotë mësuesja e tij Fanny Jeschke, 28 vjeçe.
“Glendis është shumë i dashur. Ai ka gjetur këtu në shkollë miq dhe është shembull i parë për integrimin e suksesshëm”, thotë mësuesja.
Mamaja e djalit, Arjana Demir, 37 vjeçe dhe tre fëmijët, Gresa, 6, Glendis, 14 dhe Gridi 16 kanë emigruar nga Burreli në Gjermani.
Ata janë vendosur në Berlin ku kanë kërkuar dhe azil, por që pas fytjes së Shqipërisë në listën e vendeve të sigurta të origjinës mundësitë që të fitojnë një status të tillë janë të pakta.
