Nga Tirana, ku ndodhet për një vizitë zyrtare, numri dy i NATO-s Rose Gottemoeller, ka shprehur kundërshtimin e Aleancës për krijimin e ushtrisë së Kosovës.
Pak orë më parë Kosova votoi unanimisht formimin e ushtrisë, vendim i cili është kundërshtuar edhe më parë nga shefi i NATOS, Stoltenberg
Por pavarësisht vendimit, zëvendësekretarja e Përgjithshme, Rose Gottemoeller, garantoi se vendimi i sotëm nuk do të krijojë tensione në rajon.
“Sot autoritetet kosovare kanë miratuar forcimin e ushtrisë së Kosovës. Siç ka theksuar edhe Stoltenberg, shprehim keqardhje që ky vendim është marrë në kundërshtim me pëlqimin e NATO-s. Vendimi i sotëm nuk do të krijojë tensione në rajon. Aktorët politikë në rajon duhet t’i mëshojnë diskutimit dhe dialogut“,tha Gottemoeller
Kujtojmë që Kosova, ka mbështetjen maksimale të SHBA për formimin e ushtrisë, pavarësisht qëndrimit të “detyruar” të NATO-s, pasi në aleancë ka edhe shtete që nuk e njohin Kosovën, shkruan javanews
Gjatë konferencës më ministren e mbrojtjes, zëvendësekretarja e Përgjithshme, Rose Gottemoeller vlerësoi rolin e Shqipërisë, ndërsa rikonfirmoi investimin 51 milionë euro në bazën e Kuçovës
“Kontributi i Shqipërisë për NATO-n, shumë i çmuar. Ushtarët shqiptarë janë pjesë e misioneve të NATO-s. Shqipëria ka rritur numrin e personelit në Afganistan dhe po na ndihmoni për të luftuar terrorizmin ndërkombëtar. Kam takuar ushtarë shqiptarë dhe jam impresionuar shumë për kapacitetet dhe aftësitë e tyre. Vlerësojmë faktin që Shqipëria do të rrisë GDP për ushtrinë dhe për investimet në ushtri. NATO do të investojë 51 milionë euro për bazën e forcave ajrore në Kuçovë”, tha Gottemoeller
Javanews/a.çupaj
