Një tjetër ngjarje kriminale në Lezhë. Pas plagosjes së 47-vjeçarit me iniciale A.GJ., persona të paidentifikuar ende i kanë djegur edhe makinën. Sipas të dhënave zyrtare më datë 12.07.2017, rreth orës 02:30, është marrë njoftim se në Kalivaç në Lezhë, është djegur plotësisht një automjet.
Menjëherë në vendngjarje kanë mbërritur shërbimet policore që kanë konstatuar se është djegur automjeti furgon “Benz” në pronësi të shtetasit A.Gj. 47 vjeç, banues në Kalivaç, i cili ka qenë i parkuar në ambientet e banesës së shtetasit P.C. banues po në Kalivaç.
Nga veprimet hetimore të deritanishme rezulton që zjarrvënia të jetë e qëllimshme. Policia thotë se po punohet për identifikimin e kapjen e autorit.
Ndërkaq materialet procedurale i kaluan Prokurorisë së Rrethit Gjyqësor Lezhë për veprën penale “Shkatërrim prone me zjarr”.
47-vjeçari, shofer autobusi mbeti i plagosur një ditë më parë rreth orës 05:15.
A.Gj. u plagos në këmbë dhe u dërgua menjëherë në spital ku ndodhet jashtë rrezikut për jetën. Gjatë marrjes në pyetje në polici 47-vjeçari ka deklaruar se nuk i njihte agresorët.
Por pak orë më vonë policia arrestoi një prej autorëve me emrin Gjovalin Voci, 40 vjeç. Ky i fundit u arrestua teksa tentonte të dilte jashtë vendit.
a.ç
