Goditi me grusht ish-bashkëshorten e tij, por një ditë më pas nuk mban mend asgjë. Kështu ka deklaruar para grupit hetimor 51- vjeçari i arrestuar, Fadil Kasemi, i cili ditën e diel ka tentuar të vrasë ishgruan e tij, Fildize H.
“Nuk mbaj mend se çfarë kam bërë, pasi kam qenë i dehur. Nuk di se çfarë kam bërë dhe si kam vepruar”. Këto fjalë ka thënë biznesmeni i arrestuar dy ditë më parë në Golem, gjatë kohës që është përballur me pyetjet e hetuesve. Kasemi u kap në kushtet e flagrancës, teksa qëlloi ishbashkëshorten e tij me grusht në fytyrë pas një sherri mes tyre, ndërsa më pas policia i gjeti në çantën që mbante në shpinë edhe një pistoletë.
Më pas uniformat blu kanë marrë në pyetje edhe të dëmtuarën nga kjo ngjarje, nënën e dy fëmijëve, të një vajze 14 vjeç dhe të një djali 12 vjeç, e cila ka shpjeguar edhe dinamikën e mënyrës se si ka ndodhur ngjarja.
