Komisioni i Posaçëm i Apelimit, ka dhënë vendimin ditën e sotme për gjyqtarin e Gjykatës Administrative të Apelit Tiranë, Artur Malaj.
KPA komunikoi shkarkimin nga detyra për gjyqtarin Malaj, duke deklaruar se është në kushtet e deklarimit të pamjaftueshëm të pasurisë së tij dhe të personave të lidhur me të.
Në këtë mënyrë rrëzohet vendimi i dhënë nga shkalla e parë e vettingut.
Ky vendim i cili është përfundimtar u dha pas ankimimit të bërë nga vëzhguesit ndërkombëtar të Operacionit Ndërkombëtar të Monitorimit, të cilët hodhën dyshime lidhur me të ardhurat e tij.
Sa i përket pasurisë, Malaj ka deklaruar tokë bujqësorë në Vlorë një mijë metra katrorë dhe zotëron 50% të saj.
Tokë tjetër bujqësore në Vlorë, përfituar me ligjin 7501, pronë kjo ende e pa regjistruar. Për këto pasuri rezulton së nuk përputhen me deklarimet.
Po ashtu rezulton një apartament i blerë 55 mijë euro në Tiranë. Në vitin 2008, çmimi i shtëpisë është ulur. Një garazh i blerë në vitin 2008 me vlerë 800 mijë lekë, ku burimi është deklaruar nga kursimet e bashkëshortes dhe vetë subjektit.
Nga verifikimi i kredisë konstatohet se vlera e ambientit është 61 mijë euro dhe pagimi do bëhej me katër këste.
Nga hetimet e KPK-së rezulton se bashkëshortja e gjyqtarit ka llogari bankare me mbi 100 mijë euro. Paratë janë depozituar me burim punën si notere.
Për gjyqtarin Artur Malaj ka 5 ankesa, ndërkohë që nga hetimi i KPK-së nuk rezulton të ketë shkelje.
/a.r
