Nuk i bindet urdhrit të Policisë për ndalim, përplas disa mjete dhe largohet nga vendi i aksidentit.
Kapet dhe arrestohet në ndjekje 20-vjeçari.
Policia i ka bërë shenjë për të ndaluar mjetit tip “Benz”, me drejtues shtetasin Xh. V., i cili nuk i është bindur urdhrit të policisë por është larguar duke dëmtuar dhe disa mjete të parkuara.
Pas ndjekjes, në lagjen nr.17, Durrës, policia ka bërë të mundur ndalimin e mjetit dhe shoqërimin e tij në ambientet e Policisë.
Në vijim të veprimeve, nga Specialistët për Hetimin e Krimeve në Komisariatin e Policisë Durrës, u bë arrestimi në flagrancë për veprat penale “Mosbindja ndaj urdhrit të policisë” dhe “Largimi nga vendi i aksidentit”, i 20 vjeçarit, banues në Durrës.
Policia e Durrësit prangosi edhe një shtetas tjetër, i cili shpërndante lëndë narkotike. Bie në prangat e Policisë një 30-vjeçar për veprën penale “Prodhim dhe shitja e narkotikëve”.
Shërbimet në Stacionin e Policisë Plazh, në vijim të kontrolleve ndaj personave që lëvizin me sende të kundraligjshme, kanë ndaluar në lagjen nr.13, shtetasin A. I., ku gjatë kontrollit fizik, iu gjet një sasi lëndë narkotike marjiuanë dhe një grirëse.
Gjatë kontrollit në banesën e tij shërbimet e Policisë, gjetën dhe sekuestruan në cilësinë e provës materiale një sasi prej 48 gr. lëndë narkotike e dyshuar marjiuanë.
Në vijim të veprimeve, u arrestua në flagrancë shtetasi A. I., 30 vjeç, banues në Durrës, për veprën penale “Prodhim dhe shitja e narkotikëve”.
Materialet i kaluan Prokurorisë së Rrethit Gjyqësor Durrës, për veprime të mëtejshme.
