Pas publikimit nga ana e Ministrit të Brendshëm Saimir Tahiri të të dhënave rreth luftës anti-kanabis, ka reaguar edhe paraardhësi i tij në këtë post Flamur Noka. Deputeti dmeokrat tha se ministri Tahiri nuk tha asnjë fjalë për 5-fishimin e hapësirave të kultivuara me kanabis.
Noka deklaroi se Tahirit i ka ikur zëri që kur u sekuestruan 23 ton kanabis në Vlorë.
Deklarata e Nokës:
Ky që del në televizion dhe kur një mace kalon në rrugë, sot nuk tha asnjë fjalë për pesëfishimin e sipërfaqes së mbjellë me kanabis për një vit. Zëri i ka ikur që kur u sekuestruan 23 ton kanabis në Vlorë. Sipërfaqe e pesëfishuar me drogë e konfirmuar me zë dhe me figurë nga Guardia di Finanza dhe asnjë trafikant i arrestuar, është bilanci i qartë se s’ka asnjë përdredhje alla Tahirçe ta fshehë e ta tjetërsojë. Mediat prestigjioze europiane kanë dhënë alarmin e Shqipërisë së kthyer në kanabistan. Je bërë turpi i Europës, dhe vazhdon shkon në zyrë. Largohu sa më shpejt, revolta e popullit do të jetë e hidhur për ty dhe Ramën tënd.
/a.m.
