Ish-Ministri i Brendshëm në kohën e PD-së Flamur Noka, sot deputet i kësaj partie, ka replikuar ashpër me ministrin aktual Saimir Tahiri. Nga foltorja e Kuvendit, Noka ka folur me tone të ashpra duke e quajtur Tahirin trafikant dhe përgjegjës për trafikun e drogës që po ndodh në Shqipëri.
Sipas Nokës, Tahiri duhej të ishte prapa hekurave, për shkak të skandaleve që sipas tij implikojnë ministrin në trafik droge në mënyrë të drejtpërdrejtë.
“Ju keni provokuar qytetarët, sepse sot po të kishte një njeri i cili duhej të futej në vrimë dhe të mos dilte sot duhet të ishte ky që doli dhe dërdëlliti. Ky që thotë unë dhe kryeministri, dhe ju të tjerët nuk ekzistoni. Ky e ka shndërruar Shqiëprinë në Kolumbi.” tha Flamur Noka
