Diego Pablo Simeone ishte sot përballë gazetarëve për të prezantuar derbin e madh të Madridit. Sipas tij ky takim vinte pas një jave magjike të kryeqytetit spanjoll.
“Shkova në garat e Formulës 1 më pas mora pjesë në një koncert të Shakira-s dhe tani kemi derbin. Ka qenë një javë e madhe”, tha tekniku i Atletico-s.
I pyetur rreth homologut të tij te Reali, “Cholo” u përgjigj:
“Kam shumë respekt për Mourinho-n, ai e di fare mirë këtë dhe shpresoj që nesër të përballemi ashtu si kemi bërë gjithmonë duke dhënë maksimumin”.
I pyetur për karakteristikat e dy skuadrave, Simeone tha:
“Tranzicioni i Real-it është më vertikal se ai i ekipit tonë dhe është më i shpejtë. Ne duhet që të bëjmë maksimumin që ata që mos jenë komod me lojën e tyre. Duhet që të ngadalësojmë tranzicioinin e atyre”.
