Ky është heroi i vërtetë të aksionit policor të zhvilluar kundër terroristëve në Saint-Denis të Parisit. Po po, bëhet fjalë për një qen. Ai nuk ishte një qen dosido, por ishte i pari në çdo aksion me rrezikshmëri të lartë që ndërmerrnin forcat speciale franceze, dhe mbeti i vrarë sot në Saint-Denis. Qeni 7-vjeçar me emrin Diesel, ishte i pari që zbuloi dhe u fut në banesën ku fshiheshin terroristi dhe bashkëshortja e tij kamikaze.
Njoftimi është dhënë nga policia franceze dhe më pas u publikua në të gjitha mediat botërore. Diesel, një pastor belg, ishte pjesë e të gjitha betejave operacionale të policisë franceze, si dhe në atë të sotmin, ku mbeti i vrarë gjatë përballjes me terroristët. Sipas mediave vendase, qeni u vra si pasojë e shpërthimit të eksplozivit, kur gruaja e terroristit hodhi veten në erë. Postime të shumta qarkullojnë tashmë për të në rrjetet sociale, me hashtage si: #jesuischien, #RIPDiesel, #prayfordo.
