Pak ditë më parë media amerikane “ct mirror” publikoi një artikull ku citonte fjalët e shqiptaro amerikanit, Peter Lumaj i cili u shpreh se administrata e Presidentit Trump e kishte propozuar për ambasador në Shqipëri.
I pyetur nga media amerikane administrata e Trump nuk pranoi të konfirmoi, por as nuk mohoi nëse kandidatit republikan, Peter Lumaj, do jetë kandidat si ambasador i Shteteve të Bashkuara në Shqipëri.
“Nuk mund të komentojmë,” tha Helen Aguirre Ferre, drejtoresha e Shtëpisë së Bardhë shkruan Express.
“Më është ofruar. Unë jam verifikuar”, tha Lumaj, duke refuzuar komentin e mëtejshëm.
Ai premtoi se do tu përgjigjej pyetjeve të gazetarëve, duke u siguruar tu jepte numrin e tij të celularit
Por Lumaj nuk pranoi të përgjigjej në telefon as të martën dhe as të mërkurën, duke këmbëngulur që të gjitha pyetjet të dërgoheshin me email. “Thjesht me shkruani” tha ai.
CT Mirror i dërgoi një duzinë pyetjesh: Kur ndodhi kjo? Kush e bëri propozimin dhe si? Në çfarë pike thoni se nuk jeni të interesuar?
Përgjigja e tij ishte: Unë nuk kam qenë i interesuar për propozimin dhe i hodha poshtë. Nuk kam kaluar ndonjë hap apo procedurë zyrtare sepse nuk kam pasur interes”, tha ai.
Lumaj është mbështetës i zëshëm i Trump. Ai mirato qëndrimet e ashpra të presidentit kundër emigrantëve./a.m.
