Futbolli italian në një prej momenteve më katastrofike. Kombëtarja e kaltër e futbollit, 4 herë kampione e botës ka mbetur jashtë botërorit “Rusi 2018”. Djemtë e trajnerit Ventura barazuan në sfidën e dytë “Play off” përballë Suedisë me shifrat 0-0, duke mbetur jashtë botërorit pas humbjes së parë jashtë me shifrat 1-0.
Ekipi i kaltër nuk mundi dot të kalojë murin e ngritur nga kombëtarja suedeze. Italia nuk mundi dot të shfrytëzojë rastet e krijuara. Një ekip i vakët që nën drejtimin e Venturës nuk ka arritur dot të ngrihet në nivelin e emrit që mban kjo kombëtare.
Në shkallët e stadiumit nuk mungoi tensioni në minutat e fundit. Teksa kronometri po shkonte drejt minutave shtesë, shumë tifozë nisën të largohen të irrtuar duke vërshëllyer kombëtaren e tyre.
Tashmë pritet një furtunë në federatën italaine ku me siguri i sakrifikuari i parë pritet të jetë trajneri Ventura. Dështimi për t’u kualifikuar në botëror përbën një prej dështimeve më të mëdha të kombëtares së kaltër.
***
Italia luan sot ndaj Suedisë ndeshjen për “jetë a vdekje”. Pas humbjes në ndeshjen e pareë me shifrat 0-1, italianëve u duhet një fitore me dy gola diferencë për të shkuar në botërorin “Rusi 2018”. Pas thirrjeve të trajnerit dhe lojtarëve, tifozët italianë u përgjigjën kërkesës për mbështetje në “San Siro”.
Atmosfera në stadium duket elektrizuese, dhe të besuarit e Venturës do të kenë mbështetjen maksimale. Edhe Suedia do të kërkojë një kualifikim historikë, për në Rusi 2018, dhe shkon me shpresa të mëdha në Itali./a.m.
Formacionet zyrtare:
