Një person ka vdekur sot në mesditë para Kuvendit të Kosovës.
Tashmë i ndjeri mbi të 30-tat, po ngiste një motor dhe me të arritur te Kuvendi i Kosovës, një veturë e ka goditur duke e lënë të vdekur, raporton lajmi.net
Por, mësohet se rasti nuk përfundon me kaq.
F. Krasniqi që tashmë ka ndërruar jetë po mbante me vete revole e cila iu gjet në çantën që e kishte me vete, ndërsa dyshimet e para janë që ai nuk ndërruar jetë nga goditja e veturës, raporton lajmi.net
Burime të lajmi.net bëjnë të ditur se dyshimet janë se ai më parë kishte një plagë nga e cila kishte pasur edhe gjakderdhje, ndërsa vetura që e ka goditur nuk i ka shkaktuar as dëme, thjeshtë e ka rrëzuar.
Personi që e preku me veturë tashmë ndodhet në paraburgim. Të njëjtat burime bëjnë të ditur se Krasniqi, trupi i të cilit tashmë ndodhet në obduksion, kishte tejkaluar shumëfish shpejtësinë e lejuar në atë zonë, dhe besohet se po shkonte në Emergjencë nga një lëndim që kishte, që nuk dihet se si dhe ku iu shkaktua.
