Një avion i kompanisë ”British Airways” që fluturonte nga Las Vegasi në Londër ndryshoi itinerarin drejt Montrealit, pas njoftimeve të pankonfirmuara për një kërcënim.
Televizioni anglez, “Sky News” citoi pasagjerët e fluturimit BA274 të cilët thanë se ishin njoftuar që një “pajisje e dyshimtë” ndodhej në bordin e avionit.
Gazeta “Montreal” citoi burime të paidentifikuara të kenë thënë se avioni ishte ulur pranë aeroportit ndërkombëtar të Montrealit ”Pierre Elliott Trudeau” “për shkak të një kërcënimi me bombë”.
Fotografitë në mediat sociale tregojnë një autokolonë të policisë me drita të ndezura të drejtuara nga avioni, që ishte parkuar larg nga ndërtesa e terminalit.
Të paktën 312 pasagjerë dhe 17 ekuipazhe u evakuan përpara se policia të kontrollonte avionin.
“Fluturimi ynë nga Las Vegasi në ‘Heathrow’ u ul në mënyrë të sigurtë këtë mëngjes në Montreal dhe klientët zbritën si zakonisht, pasi kapiteni mori vendimin për të devijuar avionin si një masë paraprake”, u shpreh një zëdhënëse e ”British Airways”.
“Ne jemi duke punuar me autoritetet kanadeze dhe po japim mbështetjen tonë të plotë”, shtoi zëdhënësja./ATA
