Ora 11: 15 Protestuesit mbërrijnë tek liqeni, nisin konfliktet me policinë
Protestuesit e PD-së kanë nisur konfliktet fizike me efektivët e policisë, pasi kanë kërkuar prishjen e gardhit mbrojtës që është vënë këtë të hënë. Protestuesit kërkojnë prishjen dhe mos bdërtimin e parkut te lojerave ne parkun e liqenit.
Ora10:50 Protestuesit nisen drejt parkut të Liqenit
Pas protestës përpara Bashkisë së Tiranës, ku ndërtesa është goditur me vezë, domate dhe bojë të zezë, protestuesit e udhëhequr nga deputetë të Partisë Demokratike janë nisur drejt këndit të lojërave në Parkun e Liqenit. Ka qenë deputeti Gent Strazimiri i cili ka bërë thirrje që të marshojnë drejt parkut të liqenit për të rrëzuar ndërtimet tek liqeni.
Protestuesit kanë bllokuar madje edhe bulevardin qendror, teksa i janë drejtuar Parkut të Liqenit.
………..
Ora 10: 15 Partia Demokratike ka nisur protestën para Bashkisë, e paralajmëruar dje pas protestës së zhvilluar në kodrat e liqenit, kundër ndërtimit të parkut të lojërave.
Dje protestuesit u konfrontuan fizikisht me policinë, çka solli edhe shoqërimin në komisariat të 12 prej tyre. Në protestën e sotme, pjesëmarrësit po hedhin vezë dhe domate drejt ndërtesës së bashkisë.
Pjesëmarrësit po protestojnë edhe kundër ngritjes së çmimit të biletës së transportit urban.
Mes protestuesve janë deputetetët demokratë Edmond Spaho, Jorida Tabaku, Edi Paloka, Flamur Noka, Arben Ristani e të tjerë.
Protesta shoqërohet nga kënga tashmë e famshme e kënduar nga Agron Llakaj dhe grupi i humoristëve të programit Al Pazar, drejtuar kryetarit të Bashkisë, Erion Veliaj.
“I pari kryetar bashkie që guxon të hapë rrugën e betonit parkut të Liqenit. Nuk e ka bërë askush më parë, nuk e ka bërë as Edi Rama. I kanë ardhur rrotull parkut të Liqenit dhe ky sot guxon të bëjë këtë gjë, duke e konsideruar park lodrash për fëmijë. Tirana ka vende plot për parqe lodrash për fëmijë”, tha deputeti demokrat Gerti Bogdani.
