Presidenti i Republikës, Bujar Nishani ka dekoruar me urdhrin “Kalorës Urdhrit të Skënderbeut” shoqatën Besëlidhja Gorare në ditën e 110-vjetorit të saj.
Në një aktivitet të organizuar në fshatin Lozhan, presidenti, teksa ka vlerësuar rolin e krahinës së Gorës lidhur me ngjarjet më të rëndësishme historike në vend, ka theksuar se kjo zonë i ka dhënë jetë një historie që na vendos para përgjegjësive më të mëdha.
Teksa ka shprehur mirënjohjen për ftesën në këtë eveniment “të mos harresës së rrugës së përshkruar nga shqiptarët”, kreu i shtetit ka përcjellë pikërisht mesazhin që “të mos harrojmë kontributet dhe sakrificat e bëra në kohë por t’i mbajmë gjallë ato”./a.m.
